Մաթեմատիկան գիտությունների թագուհին է

III ա դասարանի կողմից "Մաթեմատիկան գիտությունների թագուհին է" խորագրով տեղի ունեցավ բաց դաս ներդասարանական մրցույթ :Կազմվել էր 2 թիմ` իրենց ավագներով:

 Պատասխանները գնահատվում էին ժյուրիի անդամների կողմից:
 2 թիմերն էլ հավաքել էին հավասար միավորներ և մրցույթն ավարտվեց ոչ ոքի:

Ամեն հասակ իր Թումանյանն ունի

 Դեկտեմբերի 10-ին Նոյեմբերյանի թիվ 2 դպրոցում տեղի ունեցավ " Ամեն հասակ իր Թումանյանն ունի" խորագրով գրական-երաժշտական ցերեկույթ:

Ցերեկույթը կազմակերպել էին 5-րդ դասարանցիները: Փոքրիկ դերասանները հմտորեն ներկայացրին Թումանյանի հեքիաթներից հատվածներ` "Գիքորը", "Քաջ Նազարը", "Սուտլիկ որսկանը" և այլն:

Դպրոցի տնօրինությունն իր խորին շնորհակալությունը հայտնեց միջոցառման կազմակերպիչ հայոց լեզվի և գրականության ուսուցչուհի Կ. Պետրոսյանին: 

ՍՊՈՐՏԼԱՆԴԻԱ

Նոյեմբերյանի թիվ 2 հիմնական դպրոցում տեղի ունեցավ "Ուրախ մեկնարկներ" վերնագրով սպորտլանդիա` նվիրված գրատպության 500 -ամյակին:

Սպորտլանդիային մասնակցում էին  II և  III  դասարանցիները, նրանց դասվարները և ծնողներ: Թիմերի խաղը գնահատվում էր մրցավարների  և ժյուրիի կողմից: Միավորների միջոցով որոշվեց հաղթող թիմը: Բոլոր թիմերին հանձնվեցին մրցանակներ, ծնողներին ` շնորհակալագրեր:
          

ՓՈՔՐԻԿՆԵՐԻ ԵՐԴՈՒՄԸ

Նոյեմբերյանի թիվ 2 հիմնական դպրոցում տեղի ունեցավ առաջին դասարանցիների երդման արարողությունը: 

Կրտսեր դասարանցիները խոստացան լավ սովորել ու հասարակությանը պիտանի մարդ դառնալ:

Ավագ դասարանցիները իրենց բարի մաղթանքներով շնորհավորեցին մեր կրտսեր դասարանցիներին ու հանձնեցին փոքրիկ նվերներ:

ԳՐԻՑ ՄԻՆՉԵՎ ԳԻՐՔ

Այս տարի լրանում է հայ տպագրության 500 ամյակը: Հոբելյանական այս տարեթիվը, որ համընկնում է Մեսրոպ Մաշտոցի ծննդյան 1650 ամյակի հետ,հայ մշակույթի ամենամեծ տոնն է: 

Այդ կապակցությամբ Նոյեմբերյանի թիվ 2 դպրոցում տեղի ունեցավ մի հրաշալի միջոցառում:

ՅՈՒՆԵՍԿՕ_ի նախաձեռնությամբ այս տարի Երևանը հայտարարվել է "Գրքի համաշխարհային մայրաքաղաք":
16-րդ դարի սկզբից հայ գրքի պատմության մեջ սկսվում է նոր շրջան` տպագրության շրջանը:

 

ՕԶՈՆ

Օզոնի պաշտպանության օրվան նվիրված Նոյեմբերյանի թիվ 2 հիմնական դպրոցի աշակերտական խորհրդի անդամները և մեդիա ակումբի երեխաները կլոր սեղանի շուրջ քննարկեցին օզոնի հետ կապված մի շարք հարցեր:

Սովորեցին ինչպես պաշտպանել օզոնը, քանի որ այն կենսական նշանակություն ունի մեզ համար:

Երեխաներից յուրաքանչյուը հասկացավ, որ նույնիսկ 1 ծառ կամ 1 բույս աճեցնելով կարող է իր ներդրումն ունենալ օզոնի պաշտպանության գործում:

ՍԵՊՏԵՄԲԵՐԻ 1 2012 թ

Ահա և նորից սեպտեմբերի 1 է: Սրտի թրթիռով , իր բարի կանչով մեր առջև իր դռներն է բացել մեր սիրելի կրթօջախը:

Նորից դպրոցը իր շուրջն է հավաքել մեր փոքրիկներին` առաջին դասարանցիներին: Նրանք մտել են մի նոր աշխարհ` հեքիաթային աշխարհ:

 Իրենց ողջույնի խոսքով թոքրիկներին դիմավորեցին ավագ դասարանցիները:

Չնայած անբարենպաստ եղանակին, բոլորի հայացքներում զգացվում էր երջանկության փայլը, հուզմունքը: Հուզված էին հատկապես առաջին դասարանցիներն ու նրանց ծնողները: